Hewremanî: Pirsgirêka benzînê li nêzîk çareser dibe
PeyamaKurd - Berdevkê Hikûmeta Herêma Kurdistanê Pêşewa Hewramanî îro Yekşemê ragihand ku ji bo pirsa benzînê civîneke yekalîker tê kirin û da zanîn, yek ji sedemên giranbûna bihayê benzînê, aloziyên deverê ne û got ku di demeke nêzîk de ev pirsgirêk wê bê çareserkirin.
Berdevkê Hikûmeta Herêma Kurdistanê bal kişand ser hewldaneke nû û got: "Em niha mijûlî çêkirina sepaneke (aplikasyon) elektronîkî ne, daku tê de para welatiyan ji benzîn û gaza malan re bê diyarkirin; ev yek ji bo wê ye ku ti kes nekare qurxkariyê bike û her kes bi awayekî dadperwerane para xwe wergire."
Pêşewa Hewramanî eşkere kir ku Serokê Hikûmeta Herêma Kurdistanê Mesrûr Barzanî li ser xetê ye û hemû aliyên peywendîdar raspartine ku di zûtirîn demê de kar ji bo çareserkirina vê pirsgirêkê bikin.