Hizbullaha Kurdistanê' berpirsiyariya êrîşa li ser Balafirgeha Hewlêrê girt ser xwe

PeyamaKurd - Grûpeke ku xwe wekî "Hizbullaha Kurdistanê" bi nav dike, bi daxuyaniyekê ragihand ku wan li dijî hedefên Amerîkî û Îsraîlî yên li Herêma Kurdistanê dest bi çekdarkirina hêzên xwe kiriye. Vê grûpê bi fermî berpirsiyariya êrîşa dawî ya li ser Balafirgeha Navneteweyî ya Hewlêrê girt ser xwe.

Di daxuyaniya grûpê de, Amerîka û Îsraîl wekî "dijmin" hatin pênasekirin û bang li gelê Kurd hat kirin ku li hember van aktoran bêxem nemînin. Grûpê her wiha bang li serokên Herêma Kurdistanê kir ku têkiliyên xwe yên bi Amerîkayê re ji nû ve binirxînin û daxwaz kir ku hikûmeta herêmî "dev ji DYA berde."

"Hizbullaha Kurdistanê" di daxuyaniya xwe de îdia kir ku erd û çavkaniyên Kurdan ji aliyê hêzên biyanî ve tên îstîsmarkirin. Her çend heta niha ji aliyê saziyên fermî ve derbarê encamên êrîşê û nasnameya vê grûpê de daxuyaniyek nehatiye dayîn jî, hat ragihandin ku hêzên ewlehiyê lêkolînên xwe yên li ser bûyerê berdewam dikin.