Îro sandeke Herêma Kurdistanê serdana Îranê dike

PeyamaKurd – Îro şandeke Herêma Kurdistanê serdana Komara Îslamî ya Îranê dike.

Parêzgariya Hewlêrê bi daxuyaniyekê diyar kir, sibe şandeke Herêma Kurdistanê ku ji hemû parêzgar, serperiştyarên îdareyên serbixwe û jûrên bazirganiyê pêk tê, serdana Komara Îslamî ya Îranê dikin.

Herwiha di daxuyaniyê de hat diyarkirin, ev serdan ji bo bihêzkirin û pêşvebirina pêwendiyên Herêma Kurdistanê ligel welatên cîran e.

Di berdewamiyê de hat eşkerekirin, şanda Herêma Kurdistanê wê ligel Cîgirê Wezîrê Derve yê Komara Îslamî ya Îranê bo Karûbarên Bazirganî û parêzgarên Urmiye, Kirmaşan û Sineyê, berjewendiyên aborî yên hevbeş û bihêzkirina liv û tevgerên bazirganiyê gotûbêj bikin.