Li Babîla Iraqê teqînek çêbû: 28 kes birîndar bûn

PeyamaKurd – Li bajarê Babîlê yê Iraqê di encama teqandina motosîkleteke bombebarkirî de 28 kes birîndar bûn.

Li gorî zanyariyên çavkaniyên herêmî, li navçeya el-Miseyib a girêdayî bajarê Babîlê yê Iraqê, li bazara gel motosîkleteke bombebarkirî teqiya.

Li gorî zanyariyên pêşîn, di encama teqandina motosîkletekê de 28 kes birîndar bûn.

Piştî teqînê korîdoreke ewlekariyê hat çêkirin û birîndar bo nexweşxaneyan hatin sewqkirin.

Hat zanîn ku rewşa hin birîndaran giran e.