Li Hewlêrê ji bo qurbaniyên êrîşa Îranê peykerê bîranînê hat vekirin

PeyamaKurd - Li bajarê Hewlêrê, ji bo kesên ku di meha Kanûna Pêşîn (Rêbendan) a 2024an de di encama êrişa mûşekî ya balîstîk a Îranê de jiyana xwe ji dest dabûn, bi merasimeke fermî peykerek hate vekirin.

Di nav qurbaniyan de karsazê navdar ê Kurd Peşrew Dizeyi û keça wî ya 11 mehî Jîna jî hebûn. Di merasima vekirinê ya li wargeha Empire de nûnerê Serok Mesûd Barzanî, Sidad Barzanî, gelek rayedarên hikûmetê, nûnerên siyasî û xizmên qurbaniyan amade bûn.

Ev peyker bi hevkariya Navenda Huner û Çandê ya Kurdistanê (KCAC) û malbata Dizeyi hatiye çêkirin ku hem bîranîna Peşrew Dizeyi û keça wî û hem jî ya hemû sivîlên di êrişê de şehîd bûn zindî bihêle.

Di şeva 15-16ê Çileya 2024an de Îranê herêmên niştecihbûnê yên Hewlêrê kiribû armanc û di encamê de gelek sivîl miribûn.