Li Wanê qedexeya hemû çalakiyan 15 rojên din hat dirêjkirin

PeyamaKurd – Li parêzgeha Wanê ya Bakurê Kurdistanê, qedexeya çalakiyan 15 rojên din hat dirêjkirin.

Bi daxuyaniyekê Parêzgariya Wanê belav kir, qedexeya çalakiyan ji roja Pêncşemê 5ê Mijdara 2020an ve destpê dike û heta 19ê Mijdarê, dê 15 rojan berdewam bike.

Herwiha di daxuyaniyê de hat diyarkirin, hemû cûrên çalakiyan ên weke kombûn, xwepêşandan, girev û meş û vedana çadiran li tevahiya sînorê Wanê qedexe ye.

Ji 21ê Mijdara 2016an ve, qedexeya çalakiyan li sînorê parêzgeha Wanê bê navber tê dirêjkirin.