Parlamena Kurdistanê 25ê Hezîranê dest bi kar dike

PeyamaKurd - Parlementoya Kurdistanê piştî du hefteyên karantînayê ku hinek karmend bi vîrûsa koronayê ketibûn, ji nû ve dest bi xebatên xwe dike.

Berpirsê medyaya parlementoya Kurdistanê, Saman Ehmed ragihandiye ku piştî du hefteyan rewşa nexweşên karmendên parlamentoyê baş bûye û êdî dikarin vegerin ser karên xwe.

Berpirsê medyaya parlementoya Kurdistanê da xuyakirin ku Parlementoya Kurdistanê wê roja 25 Hezîranê dest bi xebat û civînên xwe bike û got, mijarên girîng yên mîna rewşa tenduristiya Kurdistanê, rewşa darayî ya Kurdistanê, çalakbûna DAIŞê li deverên Kurdistanî wê di rojeva parlementoyê de bin.