Partiyên Kurdistanî û HDPê tifaqa hilbijartinê ragihandin

PeyamaKurd - Partiyên Kurdistanî yên Bakurê Kurdistanê û Partiya Demokratîk a Gelan (HDP) ji bo hilbijartinên herêmî yên 31ê Adara 2019an, tifaqa hilbijartinê ragihandin.

Di tifaqa hilbijartinê de partî û rêxistinên wekî; Hereketa Azadî, Partiya Herêmên Demokratîk (DBP), Komeleya Demokratîk a Şoreşgerî ya Kurd (DDKD), Partiya Mirov û Azadiyan, Partiya Komunîsta Kurdistan (KKP), Platforma Demokratên Kurd (PDK) û Partiya Demokrata Kurdistan - Tirkiye (PDK-T) beşdariyê dikin.

Wan partî û rêxistinên Kurdistanî biryar dan ku li bajarên Bakurê Kurdistanê di bin banê HDPê de bikevin hilbijartinên herêmî.

Hevpeymaniya bo hilbijartinên herêmî ku ji 7 partî û rêxistinên sivîl pêk tê, îro li Amedê bi beşdariya nûner û serokên wan partî û rêxistinan hat eşkerekirin.

Daxuyaniya Kurdî ya hevpeymaniya hilbijartinên herêmî ji aliyê Serokê Platforma Demokratên Kurd (PDK) Sertaç Bucak ve hat xwendin.