PDK û YNK wê pirsa yek lîsteyiya navçeyên Kurdistanî gotûbêj bikin!
PeyamaKurd - Biryare îro politburoyên YNKê û PDKê bicivin û gotûbêjê li ser helbijartinên encûmena parêzgehan û yek lîsteyiya Kurd li Kerkûk û navçeyên Kurdistanî bikin. Herwaha behsa amadekariyên bo civîna sêalî ya navbera PDK, YNK û Gorran jî dê bikin.
Endamê politburoya PDKê Kakemîn Necar ji K24ê re ragehand: ‘’Îro careke din politburoyên PDKê û YNKê dê bicivin û di civînê de babeta serekî guftûgo kirina pêkanîna lîsteyekî kürdiye li navçeyên Kurdistanî, bo helbijartinên encûmena parêzgehan.’’
Ji aliyeke din ve endamê politburoya PDKê Cehfer Emînkî jî ji K24ê re ragehand: ‘’Di civîna îro de PDK û YNK amadekariyan bo civîna sêalî yên navbera PDK û YNK û Gorran dê bikin, bo ku ew pirsgirêkên mane di kabîneya nû ya hikûmetê de bi hevbeşî bên çareser kirin, ku hikûmet bihêz bibe.’’