Reuters: Komên Çekdarên Sûriyê ku Tirkiye pistgiriya wan dike, Serakîb kontrol kir

PeyamaKurd – Li gorî nûçeya Reutersê, ku xwe dispêrê komên çekdarên Sûriyê ku Tirkiye piştgiriya wan dike, Çekdarên Sûriyê yên ku Tirkiyê alîkarî û piştgiriya wand dike Serakib kontrol kiriye.

Devera Serakîb navçeyeke mezin û stratejik a ser bi Îdlibê ve ye. Rêyên serekî yên M4ê û M5ê li Serakîbê bi hev ve têne girêdan ango Serakîb li wê xaçerêkê cî digire:

Hefteyek berê, Artêşa Sûriyê, rêya M4ê kontrola kiribû û bi vê yekê re ragihandibû ku tevahiya rêyan kontrol kiriye. Piştî ji dest dana Serakîbê, êdî tê wê wateyê ku kontrola hemû rêyan ne di destê rejîma Sûriyê de ye.

Hêjayî gotinê ye ku, rêya M5ê rêyeke serekî û stratejik û ji Helebê dest pê dike û hey abi Şamê berdewam dike.

Rêya M4ê jî deriyê Helebê ye ku bi ser Derya Spî ve tê vekirin.