Rojava | 13 jin û zarokên êzidî bo Encûmena Singalê hatin radest kirin
PeyamaKurd - Mala Êzidiyan li Cezîrê 13 jin û zarokên Kurd ên Êzidî yên ji destê DAIŞê hatine rizgarkirin, radestî Encûmena Şingalê kir.
Bi amadebûna nûnerên ji Mala Êzidiyan û Rêveberiya Hesekê û Hêzên Sûriyeya Demokratîk (HSD), Mala Êzidiyan 13 jin û zarokên Êzidî yên ji destê DAIŞê hatine rizgarkirin, radestî Encûmena Şingalê kir.
Piştî rizgarkirina tevahiya navçeyên rojhilatê Firatê û bidawîhatina desthilata DAIŞê li Baxozê, HSDê karî bi dehan jin û zarokên Êzidî yên ji aliyê DAIŞê ve hatibûn revandin, rizgar bike.
Piştî rizgarkirina wan jî Mala Êzidiyan a li Rojavayê Kurdistanê, serperiştiya veguhastin û vegera rizgarbûyan bo kesûkarên wan dike.
Di meha Nîsana borî de, Nivîsîngeha Rizgarkirina Revandiyên Kurdên Êzidî ya li Başûrê Kurdistanê ragihand, ji destpêka dagîrkirina Şingalê (3ê Tebaxa sala 2014an) ve 6 hezar û 417 kes hatibûn revandin. Heta niha 3 hezar û 476 kes hatine rizgarkirin û çarenivîsa 2941 kesan nediyar e.