Sadî A. Pîre: Me û PDK ê lihev kiriye
PeyamaKurd- Endamê polîtburoya YNK ê Sadî A. Pîre ragihand ku wan û PDK ê di mijara avakirina hukumeta Kurdistanê, mijara Kerkûkê û di mijarên din de lihev kirine. Pîre ragihand ku do êvarê pêwendiyeke telefonî di navbera Kosret Resûl û serok Barzanî de çêbûye û tê de behsa serokatiya herêma Kurdistanê û cîgirên serok hatiye axaftin.
Pîre got ku YNK nîvê rêvebiriya hukumetê nexwestiye û li gor heqqê partiyê di rêvebiriyê de cî xwestiye. Bo Kerkûkê jî her dû partî li ser normalîzekirina Kerkûkê, derxistina hêzên Haşdî Şabî bo derveyê Kerkûkê û temîna asayîşê ji aliyê polîsên Kerkûkê de lihev kirine.
Bo walîyê Kerkûkê kesekî ku her dû partî li serê lihev bikin, wê bikin walî û ji Bexdayê daxwaza alîkariyê bikin.
Pîre got ku wê di demeke kurt de bo serokwezîrtiyê Mesrûr Barzanî bê wezîfedarkirin da hukumetê ava bike.