Sanda Kurdistanê ji bo pirsgirêkên av û cotkaran diçe Bexdayê

PeyamaKurd – Şandeke bi seroktiya Wezîrê Cotkarî û Çavkaniyên Avê yê Herêma Kurdistanê Bêgerd Talabanî roja Yekşemê serdana Bexdayê dike.

Berdevkê Wezareta Cotkarî û Çavkaniyên Avê Husên Heme Kerîm ji medya Kurdistanê re ragihand ku Wezêrê Cotkariyê û Çavkaniyên Avê yê Herêma Kurdistanê Bêgerd Talabanî û şanda ligel wî 9ê Sibatê roja Yekşemê diçe Bexdayê daku pirsgirêkên avê û cotkaran gotûbêj bike.

Husên Heme Kerîm daye xuyakirin ku Wezîrê Herêma Kurdistanê yê Herêmên Kurdistanî yên Derveyî Îdareya Herêma Kurdistanê Xalid Şivanî jî di şandê de wê cî bigire û di serdanê de wê daxwaz ji Iraqê bê kirin ku kare pêwîst ji bo cotkarên Herêma Kurdistanê bên kirin da ku cotkarên Kurdistanê zirarê nekin.