Kurdistan
Serçekdarekî herêmî yê terorîstên DAISê ji aliyê HSDê ve hat girtin
PeyamaKurd – Serçekdarekî herêmî yê terorîstên DAIŞê, li bajarokê Kerame yê rojhilatê Reqayê, ji aliyê yekîneyên taybet ên HSDê ve hat girtin.
Li gor daxuyaniya Navenda Ragihandinê ya HSDê: “Operasyon bi destekdayîn û çavdêriya hewayî ji hêla Koalîsyona Navneteweyî ve pêk hat.”
Hat ragihandin ku serçekdarê herêmî yê ku çek belav dikir, teqemenî li şaneyên rêxistina DAIŞê yên li herêmên Reqa û gundewarên wê belav dikir û çalakiya ewlehî birêve dibir.
Di berdewamiya daxuyaniyê de hat eşkerekirin, piştî çavdêriya çend rojan û komkirina agahiyan ew hatiye girtin.
Herî dawî dan zanîn, di dema lêgerîna li mala wî de, çek, alavên teknîkî û belgeyên li gel wî hatin desteserkirin.