Serok Barzanî pêswaziya Wijdan Kenan Egîd kir
PeyamaKurd- Îro Serok Mesûd Barzanî, pêşwaziya xanima Rojavayî Wijdan Kenan Egîd û hevjînê wê yê serkirdeyê Kurd ê li Rojavayê Kurdistanê, Nezhan Newaf Nayif Paşa kir.
Keça Kenan Egîd ê serkirdeyê navdar ê Rojavayê Kurdistanê Wijdan Egîd, îro ligel hevjînê xwe serdana Serok Mesûd Barzanî kir. Hat zanîn ku Wijdan Egîd, bi çûyîna serdana Serok Barzanî, wefadariya hestên doza Kurdî yên Rojavayê Kurdistanê nîşan daye.
Kenan Egîd, sala 1938an de li Gundê Mezrê li herêma Dêrika Rojavayê Kurdistanê ji dayîk bûye û di temenê ciwaniyê de sala 1957an tevlî yekemîn Partiya Kurd li Sûriye û Rojavayê Kurdistanê, Partiya Demokrat a Kurdistan-Sûriye (PDK-S) bûye û di sala 1960î û sala 1964an de jî ji aliyê istîxbarata Sûriyeyê ve hatiye girtin.
Kenan Egîd 11ê Gulana 1996an li Heleba bakurê Sûriyeyê jiyana xwe ji dest dide û gora wî, li Dêrika Rojavayê Kurdistanê ye.