Serokwezîr Barzanî bi Serokwezîrê Yûnanistanê re civiya

PeyamaKurd - Serokwezîrê Herêma Kurdistanê Mesrûr Barzanî Îro Înê di serdana xwe ya Yûnanistanê ya piştî Belçîkayê de, bi Serokwezîrê Yûnanistanê Kiriakos Miçotakis civiya.

Serokwezîrê Herêma Kurdistanê Mesrûr Barzanî piştî serdana Belçîkayê, doh 10ê Hezîranê gihîştibû Yûnanistanê û wê îro jî hejmarek hevdîtin û civînan ligel rayedarên payebilind ên Yûnansitanê pêk bîne.

Mesrûr Barzanî bi Serokwezîrê Yûnanistanê Kiriakos Miçotakis re ligel şanda Herêma Kurdistanê dest bi civînê kir ku tê çaverêkirin babetên dualî û pêşxistina pêwendiyên aborî û siyasî yên herdu welatan û bi taybetî derfetên sermayeguzarî û veberhênana Yûnanistanê li Herêma Kurdistanê werin gotûbêjkirin.