Siyasetmedarên Tirkmen û Erebên Kerkûkê daxwaza bipasxistina hilbijartinan kirin

PeyamaKurd - Hejmarek parlamenterên ereb û tirkmen ên Kerkûkê, daxwaza paşxistina hilbijartinên pêşwext ên Parlamentoya Iraqê kirin.

Hejmarek parlamenterên ereb û tirkmen îro Çarşemê li Kerkûkê civîneke çapemeniyê de daxwaza paşxistina hilbijartina pêşwext a Kerkûkê ji bo hefteyek piştî dema hatîye diyar kirin a Parlamentoya Iraqê kirin.

Parlamenterên tirkmen û ereb dibêjin rewşa ewlehiya Kerkûkê bi giştî û bajarokê Daqûqê jî bi taybet xirabe û dest nade ji bo hilbijartinê. Baskê komîsyona bilind a serbixwe ya hilbijartinên Iraqê jî ne bê alî ye.

Berpirsê baskê Kerkûkê yê Tevgera Hîkme Necat Hesen jî li ser vê daxwazê ragihand, parlamenterên tirkmen û ereb ên Kerkûkê bingehê wan ê girseyî kêm bûye û hemû ditirsin ku di vê hilbijartinê de dernekevin, ji ber wê jî daxwaza paşxistina hilbijartinê dikin.

Necat Hesen got, ew parlamenterên tirkmen û ereb behaneyan ji xirabiya rewşa ewlehiyê digrin ku hilbijartin bên paşxistin. Lê behaneya xwe ya rast nabêjin, tirsa wan ji sernekeftinê ye.