Tevî hisyariya Pentagonê jî sewqîyata leskerî bênavber didome

PeyamaKurd - Karwanreke ji 15 wesayîtên leşkerî îro navrojê ji bajarê Rihayê ber bi sînorê Sûriyê ve bi rê ket.

Hat zanîn ku karwana leşkerî ya ji obus, wesayîtên zirxî û maşîneyên kar pêk dihat, ji Tuxaya Zirxî ya 20emîn a Rihayê li demjimêrên navrojê bi rê ketiye û gihîştiye Fermandariya Hidûd a Sêyemîn a sînorê Sûriyê.

Li gor ragihandina medya tirk, dê ew hêza ku hatiye şandin wekî teqwiye li qereqolên sînor were bicihkirin.

Ev demek e artêşa Tirkiyê şandina hêzan bo sînorê Sûriyê û Rojavayê Kurdistanê zêde kiriye û gefên destwerdanê dîsa li hêzên kurdî dike. 

Berdevkê Pentagonê Sean Robertson herî dawî li ser îhtimala êrîşkirina li ser Rojavayê Kurdistanê ji aliyê Tirkiyê ve ragihand, her êrîşeke yekalî li ser navçeyên bakurê Sûriyê cihê nîgeraniyê ye, bi taybet navçeyên ku leşkerên Amerîkî lê ne û her pêngavek bi wî awayî nayê qebûlkirin.