Walîtiya Colemêrgê 31 deverên bajêr weke herêmên ewlekariyê îlan kir

PeyamaKurd - Li navenda bajarê Colemêrgê yê bakurê Kurdistanê û 4 bajarokên wê, hinek cih heta 15 rojan weke herêmên taybet ên ewlekariyê hatin îlan kir.

Li bakurê Kurdistanê, li navenda bajarê Colemêrgê û li navçeyên wî bajarî Çelê, Şemzînan, Gever û Derecikê, hinek dever heta 15 rojan weke navçeyên taybet ên ewlekariyê hatin îlankirin.

Walîtiya Colemêrgê bi daxuyaniyekê ragihand ku, 31 herêmên navenda bajêr û her çar navçeyên wî bajarî Çelê, Şemzînan, Gever û Derecikê, ji îro sêşemê (5ê adarê) heta roja sêşemê (19ê Adarê) weke navçeyên taybet ên ewlekariyê îlan kirin. Di daxuyaniyê de herwiha ji welatiyan hatiye xwestin, ku bê destûr neçin wan navçeyan.