Xaneqîn | Terorîstên DAISê êrîsî hêzên ewlehiyê yên Iraqê kirin

PeyamaKurd – Terorîstên DAIŞê, li bajarokê Gulale yê li sînorê Xaneqînê, du caran êrîşî hêzên ewlehiyê yên Iraqê kirin û di encama êrîşan de, serbazekî artêşa Iraqê hat kuştin û sê kes jî birîndar bûn.

Li gor zanyariyên xwecîhî; derengiya şeva din, çekdarên DAIŞê bi dizî ketine nav taxa Şehîdan a bajarokê Gulale û li pira Helwan du êrîş birine ser polîs û serbazên Artêşa Iraqê.

Herwiha hat zanîn: “Di encama êrîşan de, serbazekî artêşa Iraqê hat kuştin û sê serbaz û polîs jî birîndar bûn.”

Li aliyê din, serbazekî Iraqê bi gulleyeke nîşangir, li xaleke kontrolê ya li devera Tarmiye ya bakurê Bexdayê, birîndar bû.