WHO: Metirsiya Hantavîrûsê ji bo Cîhanê kêm e

PeyamaKurd - Rêveberê Giştî yê Rêxistina Tenduristiya Cîhanê (WHO) Tedros Adhanom Ghebreyesus ragihand ku metirsiya hantavîrûsa ku li ser keştiya Hollandî MV Hondius hatiye dîtin, ji bo nifûsa giştî ya cîhanê hîn jî kêm e.

Tedros di civîna çapemeniyê ya heftane de got ku heya niha 10 halet hatine ragihandin, ji wan 3 mirin in û ji 2yê Gulanê vir ve tu mirineke din nehatiye tomarkirin.

Operasyona veguhestina rêwiyan ji Tenerife bi serkeftî qediya û zêdetirî 120 kes niha li welatên xwe di bin çavdêrî an karantînayê de ne.

Kaptan û 26 endamên ekîbê hîn li ser keştiyê ne û tê payîn ku keştî di 18ê Gulanê de bigihêje Hollandayê. Tedros hişyarî da ku ji ber dema kuluçkayê ya heta 6 hefteyan, dibe ku di rojên pêş de çend haletên din werin dîtin, lê ev nayê wê wateyê ku belavbûn berfireh bûye. Hantavîrûs bi piranî ji mişkan derbas dibe û dibe sedema tayê û di rewşên giran de têkçûna nefes û gurçikan.