Cristiano Ronaldo û Georgina Rodriguez li Portekîzê zewicîn

PeyamaKurd - Lîstikvanê navdar ê futbolê Cristiano Ronaldo û hevala wî Georgina Rodríguez li Portekîzê zewicîn.

Ronaldo li ser hesabê xwe yê Instagramê wêneyê du destên ku xeleka zewacê di tiliyan de ne parve kir. Çapemeniya Portekîzê ev dawet wekî "zewaca salê" bi nav kir.

Hat ragihandin ku zewac di 11ê Tebaxê de li bajarokê behrê Cascaisê ku nêzîkî Lizbonê ye pêk hatiye û her pênc zarokên wan jî beşdarî dawetê bûne.

Wêneyê ku Ronaldo parve kir, di nava 30 deqeyan de ji aliyê zêdetirî 3 milyon kesî ve hat ecibandin.

Ronaldo di kariyera xwe ya futbolê de ku di tîmên Sporting, Manchester United, Real Madrid, Juventus, Al Nassr û tîma neteweyî ya Portekîzê de derketiye lîstiye, nêzîkî 1000 gol avêtine û herî dawî jî di Kupa Cîhanê de lîstiye.