Di Olîmpiyatên Tokyo de hejmara pêketiyên korona zêde bû

PeyamaKurd – Hat ragihandin ku di nav 24 saetên borî de, hejmara pêketinên vîrusa koronayê di beşdarên Olîmpiyatên Tokyoyê de zêde bûye.

Komîteya Sazkar a Olîmpiyatên Tokyoyê ragihandiye ku di nav 24 saetên borî de bi 27 kesên din re vîrusa korona hatiye tespîtkirin.

Hat eşkerekirin ku ji pêketiyan 3 werzişvan in, 15 karmendên olîmpiyatê ne û 4 kes jî rêveber in.

Hat ragihandin ku kesên vîrus bi wan re peyde bûye xistine karantînayê. Li gorî daxuyaniyê ji destpêka olîmpiyatan ve bi 220 pêketiyên koronayê hatine tomarkirin.