Ji sedî 80ê dahata Iraqê diçe mûçeyan

PeyamaKurd – Hatiye îdîakirin ku ji dahata salane ya Iraqê bi qasî 80 trîlyon dînar ji bo mûçeyên karmendan, teqawidbûyan û tora ewlehiya civakî tê xerckirin.

Aborînas Hayder Şêx ji çapemeniyê re li ser dahata petrol û dahatên derveyî petrolê yên Iraqê axivî.

Hayder Şêx diyar kir ku dahata hinardekirina petrola xav a Iraqê di 10 mehên dawî de gihîştiye 89 trîlyon dînar û tê payîn ku ev hejmar heta dawiya salê bigihîje 105 trîlyon dînar.

Hayder Şêx destnîşan kir ku tê payîn ku dahatên derveyî petrolê heta dawiya salê bigihîjin 13 trîlyon dînar û got, "Bi qasî 80 trîlyon dînar ji dahata salane ya giştî ji bo mûçeyên karmendên sivîl, teqawidbûyan û tora ewlehiya civakî tê xerckirin, dema ku mayî diçe xerciyên hikûmeta giştî."

"Kêmasiya budceyê bi qasî 30 trîlyon dînar tê texmînkirin." Aborînasê Iraqî got, "Sedema vê ew e ku gelek wezaret, bi taybetî Wezareta Tenduristiyê, ji ber mezinbûna xercên heyî û ji ber ku salnameya budçeya hikûmetê hîn nehatiye pejirandin, nikarin deynên xwe bidin."

Iraq demek dirêj e ku %90ê dahata xwe ji dahatên petrolê bi dest dixe. Ev rewş dibe sedema ku welat dema ku bihayên petrolê dadikevin, bi zehmetiyên darayî re rû bi rû bimîne.

Her çend hikûmetê di salên dawî de planeke cihêrengkirina dahatê ragihandibe jî, ev plan sînordar e û ji bo dabînkirina xercên giştî têrê nake.