Wezîrê Derve yê Îsraîlê: Sûriye ji bo kêmneteweyan xeternak e
PeyamaKurd – Wezîrê Karûbarên Derve yê Îsraîlê Gideon Sa’ar bi tundî bertek nîşanî axaftina dawî ya Serokê demkî yê Sûriyeyê Ahmed el-Şera da.
Sa’ar axaftina Şera wekî “piştgiriya êrîşkarên cîhadîst û sûcdarkirina qurbaniyên kêmneteweya Durzî” şermezar kir.
Sa’ar di daxuyaniya xwe de bal kişand ser gotinên Şera yên ku êrîşkaran wekî “eşîrên bedewî û sembolên nirxên bilind” pesnê wan daye û Îsraîlê bi teoriyên komployê tawanbar kiribû. Wî herwiha anî ziman ku rewşa kêmneteweyan, di nav wan de Kurd, Durzî, Elewî û Xiristiyan, li Sûriyeyê di 6 mehên dawî de bi awayekî berbiçav xirabtir bûye. Sa’ar got:
“Sûriyeya di bin rêveberiya Şera de ji bo kêmneteweyan welatekî pir xeternak e.”
Wezîrê Îsraîlî bang li civaka navneteweyî kir ku ji nû ve qebûlkirina Sûriyeyê di nav civaka navneteweyî de bi parastina mafên kêmneteweyan ve girêdayî be, û tekez kir ku divê ev yek bibe şertek bingehîn.
Ev nivîs 112 car hatiye xwendin.
