سەرۆکی پێشووی مووساد : "ڕاستەوخۆ لە ناوخۆی ئێران چالاکی دەکەین"

پەیامی کورد   ...   سەرۆکی پێشووی مووساد : "ڕاستەوخۆ لە ناوخۆی ئێران چالاکی دەکەین"

یوسی کۆهن، سەرۆکی پێشووی مووساد لە لێدوانەکانی ئەم دوایی یەدا ڕایگەیاند کە دەزگای هەواڵگری، ڕاستەوخۆ "لە ناوخۆی ئێران" چالاكی دەكات.

جەختیشی لەوە کردەوە کە ئیسرائیل بۆ كۆكردنەوەی زنیاری “سوود لە ناوبژیو وەرناگرێت” و هەروەها زیادی كرد: “ئێمە دەچینە ناوەوە، هێز ڕادەكێشین و زانیاری بەدەست دەهێنین”.

کۆهن بە ئاماژەدان بە هێرشەکانی ئەم دوایی یەی ئەمریکا و ئیسرائیل بۆ سەر شوێنە ئەتۆمییەکانی کۆماری ئیسلامی لە ماوەی شەڕی ١٢ ڕۆژەدا وتی: ترامپ هەوڵی لەناوبردنی تەواوەتی دەدا، تەنانەت ئەگەر ئەوەش ڕووی نەدابێ، وەستانێکی بەرچاو لە بەرنامە ئەتۆمییەکەی ڕێژیمی ئێران ڕوویداوە کە گرینگییەکی کەمی نییە.

ناوبراو بە ئاماژەدان بەوەی کە کۆماری ئیسلامی هێشتا کۆگاکانی یۆرانیۆمی پیتێندراوی هەیە، ووتی کە حکوومەتی ئێران “لە ئامانجە ئەتۆمییەکانی پاشەکشەی نەکردووە”.