پەیامی کورد   ...   بەغدا : ڕێگە نادەین خاکەکەمان بۆ هەڕەشەکردن لە ئێران بەکاربهێندرێت

◻️ دووشەممە قاسم ئەلعەرەجی ڕاوێژکاری ئاسایشی نیشتمانی عێراق دووپاتی کردەوە کە عێراق ڕێگە نادات خاک و ئاسمانی ووڵاتەکەی بۆ هەڕەشەکردن لە ئێران یان هەر ووڵاتێکی دراوسێ کەڵک وەربگیرێت.

◻️ ئەم پرسە لە کۆنگرەیەکی ڕۆژنامەوانی هاوبەش دا لە تاران لەگەڵ عەلی لاریجانی سکرتێری ئەنجوومەنی باڵای ئاسایشی نیشتمانی ئێران ورووژێندرا.

◻️ ئەلعەرەجی ئاماژەی بە پابەندبوونی تەواوی عێراق کرد بەو ڕێککەوتنە ئەمنییەی کە لە مانگی ئابی ساڵی ڕابردوودا لەگەڵ ئێران واژووکرا، کە تیایدا گرینگی بە هەماهەنگی ئەمنی دەدات بۆ دەستەبەرکردنی سنووری هاوبەش.

◻️ جەختیشی کردەوە کە حکوومەتی عێراق هەوڵ دەدات سەقامگیری ناوچەکە بەهێز بکات و ڕێگری لە هەر پەرەسەندنێکی گرژییەکان بکات کە هەڕەشە لە ئاسایشی ناوچەکە بکات.

ئەم بابەتە 9 جار خوێندراوەتەوە