Rusya: Di 7 salan de 54 dorpêçên berbiçav

PeyamaKurd- Wezareta karên derve ya Rûsyayê ragihand ku Amerîka ji sala 2011an ve, ev 54 care ku dorpêçên berbiçav datîne ser Rûsyayê. Cîgirê wezîrê karên derve yê Rûsyayê Sergey Ryabkov di mijara banka ku navenda wê Moskovaye, banka bi navê, Agrosoyuz Commercial Bankê ku Amerîka dorpêçê daniye ser, ragihand ku ji sala 2011an heya niha 54 caran dorpêçê daniye ser Rûsyayê.

Ryabkov weha dewam kir: “Siyasetmedarên Amerîkî yên bi xwe li hemberê Rûsyane dibêjin ku kiryarên wan yên li dijî Rûsyayê ti fêde nedaye wan lê bi înad hejî dewam dikin. Di encamê de tenê bêçareyiya xwe datînin ber çav.”