Alarma DAISê | Ji Brîtanyayê lesker, ji Amerîkayê jî îstixbarat çû herêmê

PeyamaKurd – Piştî êrîşên DAIŞê yên yekşema borî ku li welatê Srî Lankayê rû dan û nêzî 300 kesî can dan, hîn jî rewşa herêmê asayî nebûyê.

Amerîka û Brîtanya ji ber derketina metirsiya DAIŞê li Srî Lankayê ketin alarmê. Brîtanyayê hêzên taybet ên operasyonê şandin herêmê. Herwiha Amerîkayê jî yekîneyên îstixbaratê bo herêmê bi rê kirin û dest bi xebatên xwe kirin.

Hat ragihandin ku di operasyonên hevbeş de heta niha 120 kes bi tohmeta DAIŞê û êrîşan hatine binçavkirin.

Îstixbarata Amerîkayê lêkolînê li ser dike bê çawa DAIŞ gihîştiye heta Srî Lankayê û ev êrîş pêk aniye.

Li gorî daxuyaniyên dawî, di 9 teqînên cuda yên Srî Lankayê de 259 kesan can daye û 550 kes jî birîndar bûne.

Wezîrê Aboriyê yê Srî Lankayê Reşard Bedreddîn li ser van êrîşan got, “Ev ji bo me misilmanan şermeke mezin e.”