Amerîka li Rojava hebûna xwe xurttir dike

Her çiqasî Serokê Amerîkayê Donald Trump dabû zanîn ku ewê leşkirên xwe ji Sûrîyê vekişînin jî, dixuye ku dema vekişandina leşkirên Amerîkayê ne kifş e û bi ser de Amerîka baregeh û binkeyên xwe li Rojavayê Kurdistanê xurttir dike.

Nîşana vê yekê jî ev e ku Amerîka li Rojavayê Kurdistanê, li ser rêya Hesekê-Dirbesiyê baregehek nû ji bo leşkirên xwe ava kiriye. Di wêneyên satelîtê de dixuye ku wê balafir û helîkopter jî karibin xwe li vê baregehê deynin.

Daxuyanîyên rayedarên Amerîkayê nîşan didin ku ewê hê demek dirêj li Sûrîyê bimînin (bi taybet li Rojavayê Kurdistanê) û heta ÎŞÎD xilas nebe wê Amerîka û hêzên hevpeyman terka Sûrîyê nekin.

Z.B