Benjamin Netanyahu: Em amade ne ji nû ve dest bi şer bikin

PeyamaKurd - Serokwezîrê Îsraîlê Benjamin Netanyahu ragihand ku tiliya wan li ser tetikê ye, amade ye ku şerê li dijî agirbesta Amerîka-Îranê ji nû ve bide destpêkirin.

Netanyahu diyar kir ku hevkariya di navbera Amerîka û Îsraîlê de di şerê li dijî Îranê de bêhempa ye.

Netanyahu got, "Serok Trump, hevalê min Donald, spas ji bo rêberî û dostaniya we. Ev dostaniya nêzîk rûyê Rojhilata Navîn diguherîne. Me bingehên rejîmê hejand."

Netanyahu îdia kir ku heke Îsraîlê par du operasyon li dijî Îranê nekiriba, wê Îranê berê çekên nukleerî pêşxistiba.

Wî diyar kir ku şiyanên moşekî yên Îranê hatine hilweşandin û bernameya wê ya nukleerî derbeyek giran lê hatiye xistin û got ku operasyon li dijî hêzên deryayî, baregehên moşekî, balafirên leşkerî û navendên fermandariyê hatine kirin.

Netanyahu herwiha zêde kir ku di operasyonên Îsraîlê de berpirsên payebilind ên rejîmê hatine kuştin û got, "Tiliya me li ser tetikê ye, amade ye ku her kêliyê şer ji nû ve bide destpêkirin."