CENTCOM: Wê dorpêça ser Îranê li Deryaya Ereban bê sepandin

PeyamaKurd - Fermandariya Navendî ya Amerîkayê (CENTCOM) ragihand ku dorpêça deryayî ya li dijî benderên Îranê dê li Kendava Omanê û herêma Deryaya Ereban a li rojhilatê Tengava Hurmizê were pêkanîn.

Li gorî daxuyaniyê, ev biryar bêyî cudahiya alayan, ji bo hemû trafîka keştiyên ku ber bi Îranê ve diçin an ji wir tên derbas dibe. Her keştiyeke ku bêyî destûr bikeve qada dorpêçê, dê rastî destwerdan û desteserkirinê were.

CENTCOMê destnîşan kir ku ev dorpêç nabe asteng ji bo derbasbûna keştiyên bêalî yên ku di Tengava Hurmizê re diçin welatên din. Armanca sereke ya vê pêngavê kontrolkirina herikîna bazirganiya deryayî ya Îranê ye, lê Washingtonê diyar kiriye ku ew naxwazin rê li ber trafîka navneteweyî ya ku bi benderên welatên cîran ve girêdayî ye bigirin.