Ekrem el-Keabî: Hebûna NATOyê li Iraqê wekî dagirkeriya Amerîkayê ye

PeyamaKurd - Rêberê Tevgera Nuceba ya Iraqî Ekrem el-Keabî, di daxuyaniyekê de bi tundî li dijî vegera mihtemel a hêzên NATOyê bo Iraqê derket.

Keabî diyar kir ku hebûna NATOyê li welat "nayê qebûlkirin" û destnîşan kir ku di navbera NATO û "dagirkeriya Amerîkayê" de tu ferq tune ye.

Keabî îdîa kir ku hêzên NATOyê bi rêya Tirkiye û Urdinê hewl didin vegerin Iraqê û da zanîn ku armanca wan a sereke derxistina hemû hêzên biyanî ji welat e.

Tevgera Nuceba ku wekî alîgirê Îranê tê naskirin, NATOyê wekî parçeyek ji polîtîkayên Rojavayî û Amerîkayê dibîne.