Elî Zeydî dîroka vekişîna hevpeymanan eşkere kir

PeyamaKurd - Serokwezîrê Iraqê Elî Zeydî, îro 29ê Hezîranê di dema pêşwazîkirina balyozên welatên Yekîtiya Ewropayê (YE) yên li Bexdayê de, dîroka vekişîna bi temamî ya hêzên hevpeymaniya navdewletî eşkere kir.

Zeydî ragehand ku pêvajoya kontrolkirina çekên bêyî destûr bi awayekî pratîkî dest pê kiriye û got: "30yê Îlona îsal, dê bibe roja dawî û fînalî ku hêzên hevpeymaniya navdewletî bi temamî ji axa Iraqê vekişin."

Serokwezîrê Iraqê di civînê de vîzyona hikûmeta xwe eşkere kir û da zanîn, pakêtên reformên binesaziyê û pêngavên geşepêdanê wê berdewam bikin. Herwiha tekez kir ku parastina serweriya Iraqê armanca wan a herî pîroz e.