"Em bikaranîna qada hewayî ya Iraqê ji bo êrîşên li ser welatên cîran red dikin"

PeyamaKurd - Çarçoveya Hevrêzkirina Şîeyan civîna xwe ya asayî li dar xist da ku li ser pêşketinên siyasî û ewlehiyê yên dawî li Iraq û herêmê, û herwiha êrîşên li ser Komara Îslamî ya Îranê nîqaş bike.

Di daxuyaniyekê de ku îro (Duşem, 30ê Adarê, 2026) hat weşandin, Çarçoveya Hevrêzkirinê got, "Em her binpêkirina serweriya Iraqê, nemaze karanîna qada hewayî ya Iraqê ji bo pêkanîna kiryarên dijminane li dijî welatên cîran red dikin. Divê Iraq ji pevçûnên herêmî dûr were girtin."

Daxuyaniyê êrîşên li ser hêzên ewlehiyê şermezar kir û daxwaza parastina saziyên ewlehiyê û mîsyonên dîplomatîk kir.

Çarçoveya Hevrêzkirinê herwiha hedefgirtina mala Serokê Herêma Kurdistanê û cihên din wekî "bûyerek xeternak" û "hewldanek ji hêla hêzên derve ve ji bo bêîstîqrarkirin û têkbirina hevsengiyê" bi nav kir.

Wekî din, bi destnîşankirina ku ev yek hişyariyek mezintir û hevrêziyek neteweyî hewce dike, Çarçoveya Hevrêzkirinê bang li partiyên siyasî kir ku ji bo bidawîkirina rewşa siyasî ya berdewam, dema ku ji bo civandina Parlamentoyê hatiye veqetandin bi kar bînin.