Hizbullahê bi roketan êrîşî bakurê Îsraîlê kir

PeyamaKurd - Ji ber êrîşên nû yên roketî yên Hizbullahê ku bakurê Îsraîlê kiribûn armanc, li gelek herêmên welat dengê sîrenan bilind bû.

Li gorî nûçeyên di çapemeniya Îsraîlê de cih girtine; piştî roketên ji aliyê Libnanê ve hatin avêtin, li bajarên wekî Kiryat Shmona, Safed, Nehariya û Akka û her weha li herêma Celîleyê sîstema hişyariyê hate aktîv kirin.

Hat dîtin ku sîstemên parastina hewayî yên Îsraîlê hewl didin roketên Hizbullahê li esmanan pûç bikin.

Dîmenên kêliyên rûbirûbûna sîstemên parastinê û roketan di kamerayan de hatin tomarkirin. Heya niha ji aliyê rayedarên fermî ve daxuyaniyeke zelal nehatiye dayîn ka ev êrîş bûne sedema zirarên canî an malî yan na.