HRW: Milîseyên çekdar xwepêsanderan direvînin: Aqûbeta 7 kesan nediyar e

PeyamaKurd - Rêxistina Çavderiya Mafên Mirovan a Navdewletî (HRW) ragihand ku xwepêşanderên Iraqê ji aliyê kom û milîşeyên çekdar ve têne revandin û bi vê yekê jî hêzên ewlekariya Iraqê tohmetbar kir.

Li gorî rapora HRWê ya derbarê protestoyên Iraqê û destwerdana tund a ser xwepêşanderan de, tê gotin ku hêzên ewlekariyê bi erkên xwe narabin û kêmasî hene li beramberî revandin û girtina xwepêşanderan ji alîyê kom û milîşeyên çekdar.

HRWê da xuyakirin ku çarenivîsa 7 xwepêşander û çalakvanên revandî yên Bexdayê ne diyar e.

Xwepêşandanên Iraqê piştî îstifaya Serokwezîr Adil Ebdulmehdî jî berdewam dikin ku xwepêşander dixwazin tevahiya deshilata Iraqê bê guhertin û hemû daxwaziyên wan werin bicihanîn.

Di xwepêşandanên Iraqê de ku ev du meh in berdewam dikin, bêhtirî 350 kes hatine kuştin.