Îranê bersiv da Trump: Dev ji blofan berde
PeyamaKurd - Serokê Komisyona Ewlehiya Neteweyî û Siyaseta Derve ya Meclisa Îranê Îbrahim Azizi, bersiveke tund da daxuyaniyên Serokê DYAyê Donald Trump ku gotibû "ew ê Tengava Hurmizê wekî axa Amerîkayê ragihîne".
Azizi, bûyera guhertina balafirê ya Trump a di hundirê kamyoneke xwarinê de ku ji ber "gefên suîqestê yên Îranê" di dema derketina ji Lutkeya NATOyê ya li Enqereyê de rû dabû bi bîr xist û got: "Serokê DYAyê di cihê blofên bêdawî yên derbarê Tengava Hurmizê de divê ji ewlehiya xwe xemgîn bibe, nexwe dê neçar bimîne ku dîsa di hundirê kamyoneke xwarinê de vegere."
Trump îdîa kiribû ku Hêzên Deryayî yên DYAyê forpêçeke tam li ser Tengava Hurmizê pêk tînin û piştî têkbirina Îranê ew ê vê tengavê wekî axa DYAyê ragihînin.
Her çend berpirsekî Koşka Spî ji çapemeniya amerîkî re îdîa kiribe ku ev gotinên Trump "henek" bûn jî, Îranê berteka tund nîşan da.