Îranê li Tengava Hurmizê êrîşî du keştiyên bazirganî kir

PeyamaKurd - Medyaya fermî ya Îranê ragihand ku Artêşa Pasdaran herî kêm du keştiyên bazirganî yên di Tengava Hurmizê de derbas dibûn bi gulebaranê rawestandiye.

Hêjayî gotinê ye, rageşiya navbera Amerîka û Îranê bandora xwe ya li ser seyrûsefera li Tengava Hurmizê berdewam dike.

Herî dawî Ajansa Tesnim a Îranê ragihand ku Artêşa Pasdaran di nav 24 saetên dawî de êrîşeke hişyarî li du keştiyên bazirganî kiriye û ew rawestandine.