Keir Starmer îstifa kir

PeyamaKurd - Serokwezîrê Îngiliztanê Keir Starmer îstifaya xwe ji serokwezîriyê û serokatiya Partiya Karker ragihand.

Krîza siyasî ya berdewam li Îngiliztanê bi îstifaya Serokwezîr Keir Starmer gihîşt lûtkeyê.

Starmer îro îstifaya xwe ragihand.

Piştî krîza siyasî ya ku piştî têkçûna di hilbijartinên herêmî de dest pê kir, Serokwezîrê Îngiliztanê Keir Starmer îstifaya xwe ji posta xwe ya li 10 Downing Street ragihand.

Starmer li ber mala Serokwezîr daxuyaniyek da û spasiya hevkarên xwe kir û îstifaya xwe ragihand.

Tayînkirina Peter Mandelson, ku bi Jeffrey Epstein ve girêdayî ye, wekî Balyozê Washingtonê, nebicîhanîna sozên siyasî û di dawiyê de îstifaya wezîran a li pey hev, di nav Partiya Karkeran de bû sedema bangên ji bo îstifaya Starmer.

Serokê Amerîkayê Trump doh li ser medyaya civakî derbarê Serokwezîrê Îngiliztanê Starmer de postek weşand.

Trump di posta xwe de got, "Keir Starmer wê ji Serokwezîrê Keyaniya Yekbûyî îstifa bike. Ew di du mijarên pir girîng de bi awayekî xerab têk çû: polîtîkayên koçberî û enerjiyê. Ez jê re serkeftinê dixwazim."