Li Îranê 6 fermandarên nû yên payebilind hatin tayîn kirin

Rêberê Olî Îranê Ayetullah Mucteba Xamaney di artêş, Supaya Pasdaran a Şoreşa Îslamî û Bêsîcê de 6 fermandarên nû yên payebilind ji bo postên krîtîk tayîn kirin.

PeyamaKurd - Di çarçoveya van tayînkirinan de, Tumgeneral Elî Ebdullahî di dewsa Korgeneral Seyîd Ebdul Rehem Mûsewî de wekî Serokê Erkanê Giştî yê Hêzên Çekdar hat erkdarkirin û Tuggeneral Kiyumers Heyderî jî bû Cîgirê Serokê Erkanê Giştî.

Her wiha Tuggeneral Ehmed Wehîdî bo pileya Tumgeneralî hat bilindkirin û di dewsa Korgeneral Mihemed Pakpûr de bû Fermandarê Giştî yê Supaya Pasdaran û Tumgeneral Mistefa Yezdî jî wekî Cîgirê Fermandarê Giştî hat tayînkirin.

Di heman biryarnameyê de Amîral Elî Ozamî wekî Fermandarê Hêza Deryayî ya Supaya Pasdaran û Hujjetulîslam Huseyîn Tayib jî wekî Serokê Rêxistina Bêsîc a Mustezefîn hatin diyarkirin.

Xameniyî ragihand ku prosesa yekxistina Erkanê Giştî û Birêveberiya Navendî ya Xatêm el-Enbiyayê hatiye temamkirin û daxwaz kir ku şiyan û amadehiya hêzên çekdar were bihêzkirin. Rêberê Îranê ji Fermandarê nû yê Supaya Pasdaran Ehmed Wehîdî daxwaz kir ku hêza rêxistinê zêde bike û ji bo operasyonên êrîşkar ên bihêz ên li dijî dijmin amadekariyan bike.