Mesrûr Barzanî qurbaniyên hewldana darbeya 15ê Tîrmehê bi bîr anî

PeyamaKurd - Serokwezîr Mesrûr Barzanî di salvegera hewldana darbeya 15ê Tîrmehê de hemû cureyên tundûtûjiya siyasî şermezar kir û ji bo Tirkiyeyê aştî û serfirazî xwest.

Roja Çarşemê, 15ê Tîrmeha 2026an, Serokwezîr Barzanî li ser hesabê xwe yê fermî yê medyaya civakî peyamek weşand ji bo bîranîna 10emîn salvegera hewldana darbeya 15ê Tîrmeha 2016an li Tirkiyeyê.

Di peyama xwe de, Serokwezîr Barzanî kesên ku di dema hewldana darbeyê de ji bo parastina saziyên demokratîk canê xwe ji dest dan bi bîr anî.

Di peyama xwe de, Mesrûr Barzanî girîngiya parastina pêvajoyên demokratîk û îradeya gel tekez kir, di heman demê de pêwîstiya şermezarkirina "hemî cureyên tundûtûjiya siyasî" jî tekez kir.

Di dawiya peyama xwe de, Mesrûr Barzanî tekezî li ser têkiliyên baş bi cîranê Tirkiyeyê û aramiya herêmî kir û ji bo gel û dewleta Tirkiyeyê aştiya domdar û serfiraziya aborî xwest.

Peyama tevahî ya Serokwezîrê Herêma Kurdistanê wiha ye:

"Di 10emîn salvegera hewldana darbeyê de li Tirkiyeyê, em bi rêzdarî wan kesên ku di parastina saziyên hilbijartî yên dewleta Tirkiyeyê de şehîd bûn bi bîr tînin. Divê hemû cureyên tundûtûjiya siyasî bên şermezarkirin. Em ji bo cîranê xwe Tirkiyeyê aramî û serfiraziyê dixwazin."