Netanyahu: Agirbest Lubnanê nagire nav xwe

PeyamaKurd - Serokwezîrê Îsraîlê Benjamin Netanyahu diyar kir ku ew piştgiriyê didin agirbesta du-hefteyî ya ku ji hêla Serokê Dewletên Yekbûyî yên Amerîkayê Donald Trump ve di derbarê êrîşên li ser Îranê de hatiye ragihandin, lê ew Lubnanê nagire nav xwe.

Li gorî daxuyaniyek nivîskî ya Ofîsa Serokwezîrê Îsraîlê, Netanyahu piştgirî da biryara Trump a di derbarê agirbesta du-hefteyî ya bi Îranê re.

Netanyahu diyar kir ku agirbesta du-hefteyî ya bi Îranê re Lubnanê nagire nav xwe û destnîşan kir ku ew piştgiriyê didin hewldanên Dewletên Yekbûyî yên Amerîkayê da ku piştrast bikin ku Îran xwediyê çekên nukleerî nîne û bi mûşekan gefê li Îsraîl, Dewletên Yekbûyî yên Amerîkayê, welatên Kendavê û welatên din naxwe.

Netanyahu got, "Îsraîl piştgiriyê dide biryara Serok Trump a rawestandina êrîşên li ser Îranê ji bo du hefteyan, bi şertê ku Tehran Tengava Hurmuzê veke û agirbestê bişopîne."