Nîsanek nû ya Pûtîn di derbarê Ukraynayê de!

PeyamaKurd – Serokê Rûsyayê Vladimîr Pûtîn hişyarî da ku destwerdana leşkerî ya li Ukraynayê wê demdirêj be.

Pûtîn got, "Helbet ev pêvajoyeke demdirêj e" û got, ji bo encamên mudaxeleya leşkerî jî tiştekî xwezayî ye ku wext bigire.

Serokê Rûsyayê Pûtîn li ser daxuyaniya Rûsyayê ya ku 4 herêmên Ukraynayê bi xwe ve girêdide, pesnê xwe da û got, "Xebatên nû derketine holê, ev ji bo Rûsyayê hîn jî encamek pir girîng e û ev mijarek pir cidî ye."

Moskow di meha Îlonê de ragihandibû, di referandûmê de herêmên Ukraynayê Donetsk, Luhansk, Kherson û Zaparorijya ku Rojava weke "sexte" binav kiribû, bi xwe ve girêdide.

Pûtîn herwiha destnîşan kir, metirsiya nukleerî her ku diçe zêde dibe, lê ew ê nebin yên yekem ku wê bikar bînin.

Pûtîn di axaftina xwe ya li civîna Konseya Mafên Mirovan a Rûsyayê ya ku weşana zindî hat lidarxistin de destnîşan kir, stratejiya Moskowayê polîtîkaya tolhildanê ye û got, "Eger êrîşî me bikin, em ê êrîş bikin.