NY planeke berfireh ji bo derxistina deryavanên Tengava Hurmuzê ragihand

PeyamaKurd - Neteweyên Yekbûyî (NY) destpêkirina planeke berfireh ji bo derxistina zêdetirî 11,000 deryavanên ku di Tengava Hurmuzê de asê mane ragihand. NY herwiha diyar kir ku agirbesta li Lubnanê bi gelemperî tê parastin, tevî hin binpêkirinan.

Berdevkê Sekreterê Giştî yê NY Stéphane Dujarric roja Sêşemê 23ê Hezîrana 2026an di civîneke çapemeniyê de li New Yorkê ragihand ku Rêxistina Navneteweyî ya Deryavanî (IMO) wê operasyonekê bide destpêkirin ji bo derxistina zêdetirî 11,000 deryavanên ku di tengavê de asê mane.

Dujarric got, "Ev operasyona mezin bi hevrêziya Îran, Oman û Dewletên Yekbûyî yên Amerîkayê tê kirin."

Wî diyar kir ku hemî tedbîrên ewlehiyê hatine girtin û hewl têne dayîn ku keştî û deryavan bi ewlehî ji Tengava Hurmuzê werin derxistin.

Agirbest li Lubnanê berdewam dike, bi hezaran mal wêran bûn

Derbarê pêşketinên li eniya Lubnanê de, Neteweyên Yekbûyî jî ragihand ku agirbesta ku di 19ê Hezîranê de ket meriyetê, bi gelemperî tê parastin.

Lêbelê, Hêza Demkî ya Neteweyên Yekbûyî li Lubnanê (UNIFIL) roja Duşemê li herêmên Bayada û Mansûriyê hin çalakiyên leşkerî û gulebaran tesbît kir.