Pakistanê ji bo hewldanên aştiyê spasiya Trump kir

PeyamaKurd - Serokwezîrê Pakistanê Şahbaz Şerîf li ser hesabê xwe yê tora civakî peyamek belav kir û Serokê Amerîkayê Donald Trump ji bo hewldanên wî yên bêhempa yên ji bo aştî û trafîka dîplomatîk a li gel serkirdeyên herêmê pîroz kir.

Şerîf destnîşan kir ku hevdîtina telefonî ya ku tê de Fermandarê Giştî yê Artêşa Pakistanê Mareşal Asim Munîr jî nûnertî kiriye, derfeteke pir mezin e ji bo dabînkirina aştî û aramiya mayînde li herêmê.

Ev daxuyaniya rêveberiya Pakistanê piştî wê yekê hat ku Donald Trump ragihandibû ew li Ofîsa Hêlkeyî ya Koşka Spî bi serkirdeyên herî bandoror ên navçeyê re, mîna Serokomarê Tirkiyeyê Recep Tayyîp Erdogan, Şahnişînê Erebistana Siûdî Mihemed Bîn Selman û Mîrê Qeterê Temîm Bîn Hemed li ser dosyaya Îranê û vekirina Tengava Hurmizê axivî ye.

Trump eşkere kiribû ku reşnivîsa rêkeftina aştîyê ya giştî di navbera Amerîka, Îran û welatên din de bi piranî hatiye gotûbêjkirin û niha hûrgiliyên herî dawî li gel aliyan tên nirxandin.