Piştî êrîşên Îranê yên ser Kuweytê ji CENTCOMê daxuyanî

PeyamaKurd - Fermandariya Navendî ya Dewletên Yekbûyî (CENTCOM) ragihand ku Îranê bi avêtina moşekeke balîstîk û şandina çendîn dronan rênivîsên agirbestê bi dijwarî binpê kiriye.

Li gorî zanyariyên ku ji aliyê artêşa Amerîkayê ve hatine parvekirin, moşeka balîstîk a ku ber bi axa Kuweytê ve hatibû avêtin, ji aliyê hêzên berevaniyê yên Kuweytê ve bi serkeftî li esman hat astengkirin.

CENTCOMê destnîşan kir ku ev êrîşa han tenê çend demjimêran piştî wê yekê rû da ku hêzên Îranî bi 5 dronan li derdora Tengava Hurmizê gefên eşkere li ser ewlehiyê çêkiribûn, ku hemû ji aliyê Amerîkayê ve hatibûn têkbirin.

CENTCOMê piştrast kir ku hêzên asmanî yên Amerîkayê wekî bersiv êrîşî navendeke kontrolê ya artêşa Îranê ya li bajarê Bender Abbasê kirine û li wir drona şeşemîn a ku amadebû bo teqandinê ji nav birine.