Şamê bertek nîşanî daxuyaniyên Îsraîlê yên li ser Dûrziyan da

PeyamaKurd - Şamê bertekeke tund nîşanî daxuyaniyên Îsraîlê yên li ser civaka Dûrzî ya li bajarê Siweydayê da û teqez kir ku Dûrzî parçeyekî veneqetiya yê xaka Sûriyeyê ne.

Di daxuyaniya ku di ajansa fermî ya Sûriyeyê (SANA) de hat weşandin de, Îsraîl bi destwerdana karên navxweyî yên welat û geşkirina nearamiyê hat tawanbarkirin.

Rêveberiya Şamê diyar kir ku Îsraîlê di bûyerên Tîrmeha 2025an de li Siweydayê piştgirî daba grûpeke çekdar da ku aramiya civakî xera bike û banga girêdana bi rêkeftina veqetandina hêzan a sala 1974an kir.

Her wiha hat ragihandin ku xebatên ligel DYA û Urdunê yên ji bo ji nûve tevlîkirina Siweydayê ya nav Sûriyeyê berdewam dikin.

Daxuyaniya Netanyahu û êrişên berê ev daxuyaniya Şamê piştî axaftina Serokwezîrê Îsraîlê Binyamin Netanyahu hat.

Netanyahu diyar kir ku wî bi Serokkomarê Sûriyeyê Ehmed Şera re hevdîtineke telefonê pêk aniye û piştî vê hevpeyvînê bûyerên xwînawî yên li Siweydayê rawestiyane.

Netanyahu got: "Ji bo em birayên xwe biparêzin em ê çi pêwîst be bikin." Hêjayî bîrxistinê ye ku artêşa Îsraîlê di Tîrmeha 2025an de Qesra Serokkomariyê û avahiya Wezareta Parastinê yên li Şamê bi hinceta parastina Dûrziyan li hemberî komên çekdar ên Beduwiyan bombe kiribûn.