Şerê DYA û Îranê cardin dest pê kirin

PeyamaKurd - Hêzên Dewletên Yekbûyî yên Amerîkayê (DYA) piştî navbereke mehekê, careke din li herêma Tengava Hurmuzê dest bi êrişên leşkerî yên li dijî amûrên Îranê kirin.

Berdevkê CENCTOM’ê Tim Hawkins ragihand ku hêzên wan li Girava Larakê du amûrên fuzeyan ên Muxafizên Şoreşê ku xwe amade dikirin roketan biavêjin deryayê armanc girtine.

CENCTOMê ragihand ku ew ji bo parastina azadiya keştîvaniyê û herikîna serbest a bazirganiyê li vê rêgeha krîtîk di amadebaşiyê de ne.

Muxafizên Şoreşê yên Îranê jî piştrast kir ku di vê êrişê de mirî û birîndar çêbûne û hişyarî da ku dê bersiveke tund bidin.

Lê zêde nebû, Artêşa Pasdaran a Îranê wekî bersiva vê operasyonê ragihand ku wan bi mûşekên balîstîk êrişî du baregehên asmanî yên Amerîkayê yên bi navê Qral Husên û Muwefeq Seltiyê yên li axa Urdinê kiriye.

Di daxuyaniya Îranê de hat îdia kirin ku di van êrişan de zerereke mezin gihîştiye binesazî, qadên lênêrînê û cihê balafirên şer ên Amerîkayê.

Ev alozî û pevçûnên nû nîşan didin ku Tengava Hurmuzê ku rêgeha yek ji pênc parên çavkaniyên hîdrokarbonê yên cîhanê ye, piştî kêmbûneke demkî dîsa veguhastiye xala herî germ û krîtîk a herêmê.