Şîrûdî: Geştên Îran-Iraqê îro ji nû ve dest pê dikin

PeyamaKurd - Serokê Saziya Balafirvaniya Sivîl a Îranê Ebûzer Şîrûdî ragihand ku geştên asmanî yên di navbera Îran û Iraqê de ji nû ve dest pê dikin.

Li gorî nûçeyên çapemeniya Îranê, Şîrûdî derbarê veguhestina hewayî ya her du welatan de daxuyanî da.

Şîrûdî da xuyakirin ku ji îro 4ê Cotmehê pê ve geştên dualî yên balafiran yên di navbera Îran û Iraqê de dîsa dest pê dikin, lê belê di daxuyaniyê de derbarê qada geştan û nexşeya demjimêran de hûrgilî nehatin parvekirin.